Keemiya-2

Raat ki aankhoN maiN haiN raushni kay khwaab
Din ki nazar maiN aNdhayroN ka sakooN
Bus isi giraft maiN haiN hai ziNdagi ki rau
Aur farayboN pay palta hua iska fasooN
----------------------------------\
FasooN-magic

Sehar Say Sehar Tak

Afsurdgi pay paltay huay mery ayaam
Roz yaas ki siyaahioN maiN doob jaatay haiN
Phir shub wahi sum lay kar sehar tak mujhko jagaati hai
Phir tweel raatoN main teri yaad tanhaaiaN baraati hai
Phir meray geet tujhko dair tak bulaatay haiN
Phir maaniNd-i-roz
MaiN jaagta hooN aur taaroN ko neeNd aati hai

----------------------------------
Meanings: afsurgi-udaasi, ayaam-din,yaas- dukh,sum-zehar,taweel- laMbi, ManiNd-e-roz-har roz ki tarah

20 saal pehlay likhi eik nazm lay kar haazir hua hooN.Umeed hai pasaNd aayaygi.

APNAY BATAY KAY NAAM

NanhaiN pairoN pay dorta bachpan
HaNsta gaata muskurata bachpan

Teri kilkaarioN main sabaaN kay jhoNkay
Teri shokhi main bahaaroN kay aNdaaz
Teri udaasi say tarap jaayay kahkashaaN saari
Teri tutlahat main raagoN ka riyaaz

Koi Suqraat bhi kya teray zauq-e-talab kay aagay
Teri masti ki raqs maiN ho jaisay hyaat
Teray laboN pay khailti hai aisay shffaaf haNsi
Ki sharma jayay issay parioN ki bhi zaat

Tu hai meray jism-o-rooh ka kalaam
Teri ghardish main meri hasti ka nizaam
Tujhsay Hai masrrat kay phir raushan chiraagh
Teray irtiqa main nihaaN meray teerath-o-dhaam

Aur Ai meray lakht-e-jigar
Yeh hai khud say ahad mera
Ki na ban jayay baar tera
Yeh tamaam pyaar mera
Aur parwaazoN main teri
Na ho meri tamnnaoN ka beseraa
__________________
Meanings:
Riyaaz-abhyaas(excercise),Zauq-e-talab-Quest to know
Raqs-dance, Saffaf-swach(clear,pure), Kalaam-rachna
Ghardish-parikrama(revolve),Nizaam-Vayvashta,bandobast
Massarat-khusi, Irtiqa-tarraki,development,NihaaN-nihit,chupa hua
Baar:bhaar

Tzaad

YaadoN kay bawaNdar say uth rahaiN hai Takh_yul ki sar zamiN pay
Barq bau kay chamkta hai teri afsurda haNsee ka chehra
Honay lagi hai teray naaz-o-karam ki rimjhim
Meri takhleeq maiN main woh pehli barsaat si soundhi khusbu aa rahi hai

Tanha bahut tanha hai dil teray jaanay kay baad
SaMbhla nahi wajood shorishoN maiN bhi doob jaanay kay baad
Zamanaa to samjhtaa hai isay shauq-i-fitoor mera
Har chahray maiN agar dhooNdta hooN teray wajood ki parchaiNaN
Aur uqta kay uth aataa hooN phir apnay khyaaloN ki duniya maiN
Siyaah aur siyaah ho jaati haiN phir meri tanhaaiyaaN

Ab tu bani hai kisi ga_ir ki zindagi ka unwaaN
Ab teri raataiN uski baahoN main basi rehti haiN
Ab na us ulfat ki haqeeqat baqi
Phir bhi nadaan umeedaiN dil maiN baniN rehtiN haiN

Puchta hooN maiN aksar apni talkh raatoN say
Ki kya hai aqaayud-i-mehabbat ki asaas
Kya hai yeh rasoomaaat maiN lipta ik shuq-i-bekaar
Kya hai yeh ishq kay naam pay paltay huay pazmurda ahsaas

Kya hai yeh mehabbat yeh mehabbat ki tashheeer
Kadam bar kadam samjotoN ki besood taameer
Kya hai yeh jis-o-rooh kay alag alag meyaar
Kya hai parstish pay palta yeh falsafa-i-taqdeer

Thehar ab zauq-i-talab thehar
Aaj na yeh baat baat uthaa
Aaj ki raat barstaa hai gujishta mehabbat ka jaadoo
Aaa ki raat kuch na keh kuch na sunaa
----------------

Meanings:Tzaad: Takraav
Takh_yul- Imagination(kalpana), Barq-lightening,Afsurda-Udaas, Takhleeq-rachna,creation
ShorishoN-kolahul(noise), Aqqayud-e-muhabbat-prem kay prati vishwaas,
Rassomaat- rasmaiN, Asaas-foundation, Pazmurda-half dead
Tashheer-Advertisement, Besood taameer-useless constrruction
Mayaar-parameters, Phalsupha-e-taqdeer-philosophy of fate
Gujishta-pas

Tanhai

MaiN har chehray choN jay labhda haaN kuch
TaaN eh meri aawargi nahiN
Eh bhaal hai meray tassawar di moorat nuN-
ZiNdagi di bheer choN labhan di
JiuN JiuN maiN umar day meel-pathar laNgda haaN
UdaasiaN da registaan dil atay
Ahsaasaan tay hor vi taari hoi jaaNda hai
MaiN shayad oh saraapi roo h haaN-
JazbiaN da oh surajmukhi phul
Suraj jis toN akh churai hai
Atay jisnay suraj labhan di khatir-
DiviaaN vich vi jhaati laayi hai
Har chehra ik umeed daiN da hai-
Apnay pyaar nu labhan di
Har chehra suraj da bhulekha huNda hai
Par phair jad oh chehra vi-
Hor chehriaN varga nazar aunda hai
Udaasi da ik hor teela dil tay vadh jaaNda hai
-----------------------------------

Ishq Da Vanjara

MaiN vanjara ishq da main chalaaN haddaaN paar
Meri boli peera kukdiaN ,dil 'ch zakhm hazaar
MaiN geetaN day laal lutaaNda
Tay haNju lavaN saMbhaal
YaadaaN da ik tokkar chukay
ChalaaN saalo-saal
Meri nazaraaN us zameen tay
Jithay supnay hul chalaan
MaiN labhaaN aisay baNdiaN
Jo meri sochaaN lain pachaan
Chalda ja vanjaaria milyga oh saNsaar
Haasay khaaviN chaanan peeveeN pyaar da kari shiNgaar
--------------------------

WAQT-E-FURQAT

Yeh waqt-e-furqat kitna kathin hai meri jaaN
Hoga mushkil maanaa tha, magar itnaa mushkil
Socha bhi naa thaa

Woh chaNchal si khilkhilahat
Woh tumhari maNd maNd si muskaan
Woh tumharay badan say aatay bahaar kay jhoNkay
Woh tumhaari saadgi maiN daanaai kay imkaan

Woh tumhaaraa meri baahoN maiN duniya ko bhool jaanaa
Woh behtay ashkoN maiN laraztay laboN ka muskuraanaa
Woh tumhaari pal pal ko shiddat say jeenay ki chaah
Woh tumhaari nazar maiN phool say komal khwaaboN ki raah

Woh tumhaari dabdabaai aaNkhoN maiN unkahayay sawaal
Woh tumhaaray ghanay dasht say gasuoN ka jamaal
Woh tumhaaray hoNthoN ka tilsmee khumaar
Woh tumhaaraa mujh par beloss aitbaar

Bahut yaad aataa hai yeh sub meri jaaN
Aur yaad aataa hai bahut tumhaaraa woh-
"SUNO NA"
-----------------------------------

Teri yaad-chaar mausam

Hijar di tikhi dhuppay
Teri yaadaan di raitaaN tay
Sochaan chal kay-
GeetaaaN day chaalay sahay
--------------------------------
Gaayaa jad dardaaN da Tansen
Malhaar teriaN yaadaaN da
Meri "main" takdi reh gayi-
Var gayi badli haNjuaaN
--------------------------------

ZiNdagi da baagh udaas si
PehchaanaaN di rut jhardi gayi
Phul kirday rahy yadaaN day teri-
GeetaaN di zameen bhardi gayi
-----------------------------

Sochaan day jharnay vich-
DardaaN jad gotay laayay
Chuppi di is sardi ruttay-
Teri yaadaaN day jharnaatay chuttay
--------------------------------

Kya hai Zindagi?

Mai ka jadu bhara mast payaala hai
Ya ki tanhai kay seenay maiN laga khaNjar
Mehboob kay hoNtoN ki sheerni hai
Ya ki zar-o-zameeN kay khawaaboN ka naam
Har nafs maiN zinda hairat ki taazgi hai
Ya ki sub ka sham say ik thaka sa rishta?
Zindagi kisko kehtay haiN, dost??

-----------------